Brasiliaanse visbredie / Moqueca

1 ui, gekap

3 cm vars gemmer, geskil en gekap

6 knoffelhuisies, geskil

3 tamaties, ontpit en gekap

die sap van 2 lemmetjies

sout

varsgemaalde swartpeper

4 ferm visfilette, in stukke gesny

50 mℓ olyfolie

1 groen soetrissie, ontpit en fyngekap

1 geel soetrissie, ontpit en fyngekap

15 mℓ tamatiepuree

1 lourierblaar

400 mℓ visaftreksel

400 mℓ klappermelk

die sap van ½ suurlemoen

'n hand vol vars gekapte pietersielie

Plaas die helfte van die gemmer, helfte van die knoffel, helfte van die ui , 1 tamatie en lemmetjiesap in 'n voedselverwerker en geur met sout en peper. Verwerk tot dit 'n gladde sous vorm.

Plaas die vis in 'n glasbak en gooi die sous oor die vis. Draai die vis om om dit met die sous te bedek. Bedek met kleefplastiek en hou dit vir ten minste 2 uur in die yskas.

Verhit die olyfolie in 'n swaarboompan en braai die res van die ui en soetrissie tot sag.

Voeg die tamatiepuree en die res van die gemmer by. Voeg ook die res van die knoffel by, maar jy moet dit eers baie fyn kap. Kook alles saam vir 'n paar minute.

Voeg die res van die tamaties, die lourierblaar en die visaftreksel by. Bring tot kookpunt en prut dan vir 10 minute.

Voeg die klappermelk by en bring die sous weer tot kookpunt.

Voeg nou die vis en marinade by en kook vir 4 minute, tot die vis gaar is.

Voeg die suurlemoensap en sout en peper byna smaak.

Strooi die pietersielie oor wanneer jy dit bedien.

Bedien die bredie op rys.

Die resep is genoeg vir 4 persone.

#braz