Chinese sesamsampioen-roerbraai

Chinese sesamsampioen-roerbraai Chinese sesamsampioen-roerbraai Chinese sesamsampioen-roerbraai

(Bedien 4)

1-2 e olie (eie keuse), bv. neutolie

1 ui, gekap

1 knoffelhuisie, fyngedruk

1 rooirissie, ontpit en gekerf

2 k broccoli

300 g portabellasampioene, gesny

200 g oestersampioene, in repe geskeur

200 g bruin dwergsampioene, gesny

4 e sojasous

3-4 cm stuk vars gemmerwortel

1 e sesamolie

4 k gaar eiervrye noedels

4 e geroosterde kasjoeneute

Verhit die olie in ’n wok of groot pan. Braai die uie en knoffel 3 minute oor hoë hitte. Voeg rissie en broccoli by en braai 5 minute. Voeg die sampioene by en braai nog sowat 5 minute.

Sit die sojasous in ’n bakkie. Rasper die gemmer oor en gooi deur ‘n sif. Voeg die sesamolie by die gesifte sojasous gegeur met die gemmer. Gooi in die wok en meng die groente liggies daarin tot dit bedek is. Roerbraai verder – nie langer as 2 minute nie.

Bedien op ’n bed eiervrye noedels (1 koppie per bord) en geroosterde kasjoeneute (1 eetlepel per bord).

#china