Oosters-gegeurde varkskouer

Oosters-gegeurde varkskouer Oosters-gegeurde varkskouer Oosters-gegeurde varkskouer

Oosters-gegeurde varkskouer

(bedien 20)

Hierdie is ‘n heerlike dis vir ‘n feesmaal. As jy dit vir minder mense wil maak, die oorskiet kan vir baie ander disse gebruik word!

Omdat die vark 20 uur in die oond spandeer, begin dit die Vrydagaand vir jou partytjie die Saterdagaand. Klink dalk moeilik, maar dit is nie – die oond doen al die werk.

1 heel varkskouer (5-7kg)

16 knoffelhuisies, fyngemaak

10cm vars gemmer, gerasper

4t gedroogte rissievlokkies

4t fyn gemmer

2e bruin suiker

1t sout

2e sonneblomolie

2e sojasous

2e fyn 5-speserye

Sny die varkvel in parallele lyne 1cm uitmekaar, en 1cm diep (‘score’ in Engels) of vra jou slagter om dit vir jou te doen. Plaas, vel bo, op ‘n roosterrak in ‘n roosterbak.

Meng die res van die bestandele bymekaar. Smeer die helfte van die mengsel in die varkvel in. Rooster vir 30 minute by 230ºC, haal dan uit die oond uit, draai om en smeer die onderkant met die orige speserymengsel. Gooi ‘n koppie water in die roosterbak. Rooster dan vir 8-10 ure by 110ºC (gooi nog water in die roosterbak indien nodig). Draai die skouer versigtig om, besprinkel met van die vet en pansappe en rooster vir nog 8-10 ure. So 45 minute voor die einde van die kooktyd, vermeerder die temperatuur na 230ºC om die vel bros te maak.

Bedien met kapokaartappels, noodles en roerbraai groente.

(Gebruik die pansappe om ‘n sous te maak).

#china