Sjinese dim sum-varkrolletjies

Sjinese dim sum-varkrolletjies

Sjinese dim sum-varkrolletjies Sjinese dim sum-varkrolletjies Sjinese dim sum-varkrolletjies

Hierdie was Carol se Oktober Tuin-tot-Tafel ONTHOU-dis, omdat mens dit kan vries. Dim Sum is natuurlik klein Sjinese happies wat saam met tee geniet word. Dit kan soet of sout wees en vries goed. Carol het dit in ‘n sop bedien. PUT LINK TO RECIPE

Dim sum-deeg

150g koringstysel *

30g tapiokameel*

knippie sout

1 k kookwater

1 t olie

Vulsel

300g varkmaalvleis of varkworsies uitgedruk

1 e ryswynasyn

1 t suiker

60ml sojasous

1 e gekapte grasuie

250g kool, gekap en geblansjeer

2 t olie

1 e gerasperde vars gemmer

1 t fyngekapte knoffel

40g tatsoi, gekap

knippie sout

Plaas die droë bestanddele in ‘n bak en voeg die kookwater geleidelik by. Meng tot ‘n ferm deeg, smeer olie aan jou hande en knie die deeg glad en blink. Bedek met ‘n klam lap of kleefplastiek en laat toe om 20 minute te rus.

Meng al die bestanddele vir die vulsel goed.

Strooi ‘n lagie koringstysel op die oppervlak en vryf ‘n lagie oor ‘n rolstok. Knyp klein stukkies deeg af en rol dun sirkels uit. Plaas ‘n teelepel vulsel in die middel van die sirkel, bring die rante bymekaar en knyp liggies toe.

Plaas ‘n mediumgrootte kastrol half gevul met water op die stoof en plaas ‘n bamboesstoommandjie bo-op. Bring die water tot kookpunt en plaas ‘n vel bakpapier in die stoommandjie. Plaas die dim sum-rolletjies bo-op die bakpapier, sit die deksel op en stoom tot die deeg deurskynend is.

Bedien die dim sum met ‘n bypassende doopsous soos gekoopte soya-, hoisin- of soetrissiesous of in ‘n geurige sop.

*verkrygbaar by gesondheids- en Oosterse winkels.

#china