Varkfilet met rabarber en gemmersous

Varkfilet met rabarber en gemmersous Varkfilet met rabarber en gemmersous Varkfilet met rabarber en gemmersous

Vir ons Oktober ‘Tuin tot Tafel’-kuier het Carol Weideman, sjefdosent by die Institute of Culinary Arts, gekook met rabarber. Hierde varkdis het heerlike Oosterse geure en sal ook goed werk met varktjops of ribbes op die braai.

(Bedien 2-3)

2-3 e heuning

2 e hoisinsous

1 t sesamolie

2 e sojasous

½ t Sjinese vyfspeseryepoeier

3 huisies knoffels, fyngemaak

½ t varsgemaalde swartpeper

400 g varkfilet

Rabarbergemmersous

2 uie, gekap

25 g botter

¼ vars tiemie, fyngekap

1 e gerasperde vars gemmer

1 k hoenderaftreksel

2-3 e rooiwynasyn

1 e strooisuiker

1 t Dijon-mosterd

2 rabarberstingels

sout en varsgemaalde swartpeper

Meng die heuning, hoisinsous, sesamolie, sojasous, vyfspeseryemengsel, knoffel en swartpeper. Vryf 2/3 van die mengsel oor die filet, bedek en laat marineer minstens 2 ure of oornag.

Panbraai die varkfilet tot goudbruin, bedek met foelie en plaas in ‘n 200°C-oond vir ongeveer 10 -15 minute, bedruip van tyd tot tyd met die orige marinade. Verwyder uit die oond, bedek liggies met aliminiumfoelie en laat rus 10 minute.

Rabarbergemmersous:, Soteer die uie in die botter tot sag. Roer die tiemie, gemmer, hoenderaftreksel, rooiwynasyn, strooisuiker en mosterd by. Bring tot kookpunt. Sny die rabarber in 2 cm-stukkies en voeg by die mengsel. Prut tot sag. Geur met sout en peper. Bedien saam met oondgeroosterde vark.

#china #sous #vleis