Varkboud met mosterdsous

8 porsies

1 varkboud van sowat 3,5 kg

10 ml vinkelsade

sap van 2 suurlemoene

sout en varsgemaalde swartpeper na smaak

4 knoffelhuisies, fyngedruk

Verhit oond tot 160 °C. Sny kepe in boud se vel – of vra jou slagter om dit te doen. Stamp vinkelsade fyn in ’n stamper en vysel. Plaas varkboud in ’n oondbak. Gooi suurlemoensap oor. Vryf vinkel, sout, swartpeper en knoffel oor die vleis. Plaas in die oond vir 25 – 30 minute per 500 g, plus nog 25 minute. Sit voor saam met mosterdsous.

Om te drink

’n Rosé soos Boschendal se The Pavillion Rosé.

Mosterdsous

2 eiers

100 ml water

20 ml mosterdpoeier

10 ml mielieblom

3 ml sout

50 ml suiker

100 ml witasyn

Klits eiers in ’n bak en voeg res van bestanddele by. Klits goed. Plaas bak oor ’n kastrol met kookwater en roer sous tot dik. Sit warm voor by die varkboud.

#onthou #erf #sous #vleis