Malvapoeding met roomys & vla – in die mikrogolfoond!

Niks sê Sondagete soos malvapoeding met roomys en vla nie!

Genoeg vir 8

Sous

1 blik ingedampte melk

100 g (125 ml) suiker

125 ml water

Poeding

60 g (65 ml) sagte botter

200 g (250 ml) suiker

35 ml appelkooskonfyt

1 eier

140 g (250 ml) bruismeel

5 ml koeksoda

250 ml melk

15 ml asyn

1 liter vanieljeroomys

500 ml vanieljevla

Plaas al die bestanddele vir die sous in mikrogolfbestande bak en verhit tot kookpunt in mikrogolfoond vir sowat 2 – 3 minute. Hou eenkant.

Poeding Room botter en suiker saam in groot mengbak. Voeg res van poedingbestanddele by, behalwe roomys en vla. Meng tot gladde beslag. Spuit ’n mikrogolfbestande 30 cm-ringpan goed met kleefwerende kossproei. Gooi beslag in pan en verhit in mikrogolfoond op Hoog vir 10 – 12 minute of tot poeding begin verbruin.

Laat staan in mikrogolfoond vir 3 minute. Gooi sous oor en laat intrek. Keer uit op opdienbord en sit voor met roomys en vla.

*Daar is geen bewyse dat kos uit ’n mikrogolfoond ’n gesondheidsgevaar vir mense inhou nie, solank dit korrek werk en korrek gebruik word. En anders as wat sekere doemprofete beweer, maak ’n mikrogolfoond nié jou kos radioaktief nie.

– dr. Carl Albrecht van Kansa

#micro #poeding