Griekse lam-en-bonebredie

Fetakaas, lam en bone sorg vir ʼn lekker warm-van-binne-gereg.

(genoeg vir 8 – 10)

60 ml kanola-olie

2 uie, gekap

2 knoffelhuisies, fyngekap

1 kg lamsblokkies

4 takkies roosmaryn

1 x 690 g-bottel tamatiepuree

1 x 200 g-buis tamatiepasta

1 x 410 g-blik tamaties

1 liter lamaftreksel

sout en varsgemaalde swartpeper

2 x 410 g-blikke botterbone

4 wiele laevet-fetakaas

100 g-houer basiliekruidpesto

Verhit oond tot 180 °C. Verhit olie in middelslag-pot. Voeg uie en knoffel by en roerbraai tot begin verbruin. Voeg lamblokkies by en braai nog 5 minute. Voeg roosmaryn by en braai nog 2 minute. Voeg tamatiepuree, -pasta en blik tamaties by. Meng deur. Voeg aftreksel by en meng deur. Geur goed met sout en peper. Plaas in oond en bak 2 uur of tot vleis sag is. Dreineer bone en meng deur. Krummel feta oor en skep pesto oor. Sit voor.

#greek