Griekse-slaai-pitas met feta-smeer en geposjeerde hoender

Die Griekse-slaai-pitas kan ook sonder die hoender voorgesit word, met byvoorbeeld olywe by.

(4 porsies)

Feta-smeer

100 g vetvrye fetakaas, gekrummel

50 ml gewone, vetvrye jogurt

15 ml vars suurlemoensap

10 ml gedroogde oreganum

5 ml fyngerasperde suurlemoenskil

swartpeper na smaak

Meng die fetakaas en jogurt met ’n vurk en druk groot stukke kleiner met die vurk. Voeg die suurlemoensap, oreganum, suurlemoenskil en peper by en meng goed. Hou eenkant.

Samestelling

4 volgraan-/bruin pitabrode, warm gemaak in oond

1 komkommer, geskil, kern verwyder en in skywe gesny

1 geel soetrissie, in stukkies gesny

60 ml gekapte mentblare

100 g baba-kersietamaties

250 ml geposjeerde hoenderfilet*, afgekoel en in blokkies gesny

sout en peper

Sny elke pitabrood in die helfte om twee halfmaan-pakkies te vorm. Sit 2 eetlepels feta-smeer in elke pakkie. Vul verder met komkommer, soetrissie, ment, tamaties en hoender. Geur. Sit dadelik voor.

#greek #pluimvee #slaai