Aartappel-en-spek-kroket met slaai

(6 porsies)

30 minute

6 aartappels (600 g), geskil

45 ml olyfolie

250 g spek, fyngekap

60 ml botter

hand vol gekapte pietersielie

3 eiers

280 g (500 ml) koekmeel

sout en varsgemaalde swartpeper

150 g broodkrummels

sonneblom-olie vir diepbraai

slaaiblare van jou keuse

Kook aartappels tot sag en gaar. Verhit olyfolie tot warm in middelslag-braaipan. Voeg spek by en braai tot bros en gaar, sowat 5 – 8 minute. Druk aartappel fyn met ‘n aartappeldrukker. Voeg botter en gaar spek by. Voeg pietersielie, 2 eiers en meel by. Meng goed. Geur goed met sout en swartpeper. Klits die oorblywende eier liggies. Skep lepels van die beslag en doop in geklitste eier, gevolg deur broodkrummels. Hou aan tot al die beslag op is. Verhit olie tot warm oor matige hitte. Braai aartappel-krokette tot goudbruin en bros, sowat 3 – 5 minute. Sit warm voor

met slaai van jou keuse.

#bacon #aartappel #slaai #groente