Pasta-en-tunaslaai
- The Rainbow Team
- Feb 7, 2015
- 1 min read
(4 porsies)
porsiegrootte: 1 skep ± 275 g
100 g rou durumkoring-pasta
1½ x 170 g-blik tunastukke in pekelwater (± 225 g gedreineer)
215 g-blik ertjies, gedreineer OF 150 g bevrore ertjies, met kookwater afgespoel
160 g rooiskil-appel, ontpit, met skil in blokkies gesny
100 ml Crosse & Blackwell Trim-slaaisous
50 ml ongegeurde, vetvrye jogurt
20 g (4 halwe) pekanneute, gekap
gekapte vars pietersielie
Kook pasta vir 8 – 10 minute tot gaar, maar nie pap nie. Dreineer en verkoel.
Vlok tuna. Voeg tuna, ertjies en appelblokkies by die koue gaar pasta en meng liggies.
Meng slaaisous en jogurt en giet dit oor tunaslaai. Strooi pekanneute en pietersielie oor.
Verkoel en sit voor.
VARIASIES EN OPMERKINGS:
Wissel die tuna af met sardiens, sardyne of salm. Gerookte donkervis-soorte soos snoek en gerookte forel kan die tuna vervang, maar hou in gedagte dat die sout(natrium)- inhoud van die gereg hoër sal wees. Donker vissoorte se mono- en poli-onversadigde vetsure en veral die omega 3-vetsure is besonder hoog en voordelig omdat ons hedendaagse dieet dikwels te min van dié voedingstowwe bevat.
Die ertjies kan vervang word met stukkies broccoli wat vooraf in kookwater geblansjeer en in yswater afgekoel is.
VOEDINGSTOF-ANALISE PER PORSIE
Gi laag (40)
• 1 207 kJ • koolhidrate 30 g • vesel 4,4 g • proteïene 21 g
• vet 8 g •Movs 2,8 g • povs 3,3 g • cholesterol 17 mg
• 1 skep pasta-en-tunaslaai is gelykstaande aan:
2 laevet-proteïene + 1½ stysel + 1 groente + ½ vet
コメント