Indiese hoender-botterkerrie

Dié kerrie is nie baie sterk nie. Kinders sal daarvan hou en jy kan Bulgaarse jogurt daarby voorsit.

6 – 8 porsies

sap van 1 lemmetjie

5 ml sout

5 ml rooirissie-poeier

18 hoenderstukke, vel verwyder

6 heel naeltjies

10 peperkorrels

1 kaneelstokkie

sade van 4 kardemom-peule

2 lourierblare

10 heel amandels

250 ml Bulgaarse jogurt

45 ml sonneblomolie

2 uie, fyngekap

10 ml knoffelpasta

5 ml gemmerpasta

10 ml garam masala

10 ml fyn koljander

5 ml fyn komyn

3 ml fyn borrie

500 ml hoender-aftreksel

45 ml botter

sout na smaak

Meng lemmetjiesap, sout en rooirissie-poeier saam. Smeer dit oor hoenderstukke en marineer vir 1 uur. Rooster naeltjies, peperkorrels, kaneel, kardemomsade, lourierblare en amandels in ’n pan tot effens bruin. Maal tot ’n growwe pasta met ’n stamper en vysel of voedselverwerker. Meng jogurt met growwe speserypasta en voeg by hoender. Laat marineer vir nog 1 uur. Verhit olie in ’n groot kastrol en braai uie tot bruin. Voeg knoffel-pasta, gemmerpasta en res van droë speserye by en braai vir nog 1 minuut. Voeg gemarineerde hoenderstukke by. Spoel bak waarin hoenderstukke gemarineer het met die hoender-aftreksel uit en voeg dit ook by. Kook alles saam oor matige hitte totdat helfte van sous afgekook het. Smelt botter en voeg by. Geur met sout.

Om te drink

’n Koue Cobra-bier! Daar is selfs ’n alkoholvrye weergawe beskikbaar.

Sit voor saam met vars koljander, Indiese naan-brood, atjar en gekapte brandrissies.

#india