✞ ✞ ✞ ✞ ✞ ✞ ✞ Lewende Bybel ✞ ✞ ✞ ✞ ✞ ✞ ✞

“…die Skrif…kan jou duidelik laat verstaan hoe ’n mens gered word as hy op Jesus Christus vertrou…”

2 Timoteus 3:15

Jacob de Shazer het op 18 April 1942 as lid van Jimmy Doolittle se aanvalsmag Japan toe gegaan. Hy is deur die Japanese gevang en in die tronk ge¬gooi. Twee van sy makkers is deur ’n vuurpeleton doodgeskiet. ’n Ander een is deur stadige uit-hongering doodgemaak. Jacob de Shazer was ’n on¬gelowige; ’n uitgesproke ateïs. Gedurende die lang maande van sy gevangeskap het hy begin peins oor die vraag: hoekom haat die Japanese hom so en hoekom haat hy die Japanese. Dinge wat hy oor Christenskap gehoor het, het in sy ge¬moed begin terugkom. Hy het sy Japanese bewaar¬ders vir ’n Bybel gevra. Eers het hulle hom uitbun¬dig uitgelag asof hy vir hulle ’n groot grap vertel. Toe word hulle kwaad. Hulle het hom gewaarsku om sy onnodige lollery oor ’n Bybel te staak. Hy het aanhou vra. Amper ’n jaar later, in Mei 1944, het ’n bewaarder in sy sel ingekom en vir hom ’n Bybel gegooi met die woorde: “Drie weke het jy hom. Drie weke, hoor, dan vat ek hom weer weg!” Die be¬waarder het woord gehou. Presies drie weke later het hy die Bybel by de Shazer weggeneem. De Shazer het vir die res van sy gevangeskap nie weer ’n Bybel te siene gekry nie.

In 1948, na die vrede, was Jacob de Shazer, sy vrou en seun op pad terug Japan toe – as sende¬linge! Die vrug van die Bybel wat die Japanese bewaarder vir drie weke aan de Shazer gegee het!

Die Skrif het groot krag.

“Die hele Skrif kom van God af…”

2 Tim.3:15

Die Heilige Gees ver¬tolk die Skrif wat ons lees aan ons hart. In ons hart word dit ’n lewen¬de, herskeppende krag.

“Julle is immers weerge¬bo¬re, nie uit verganklike saad nie, maar uit die onverganklike saad: die lewende en ewige woord van God… En hierdie woord is die evangelie wat aan julle verkondig is”

1Pet.23 & 25

#Bible #Biblical