Beplan slim onthaal met kaas en wyn

'n ONTHAAL met 'n verskeidenheid eksotiese kase en wyn is ideaal vir verskillende soorte geleenthede.

'n Groep ernstige kenners kan 'n interessante nuwe wyn of 'n verskeidenheid opwindende kase proe, of sit kaas en wyn voor by 'n informele geleentheid soortgelyk aan 'n skemerkelkparty met dieselfde voordele van maklik en informeel onthaal.

Die hoeveelhede kos en drank op die volgende lys sal genoeg wees vir 'n informele kaas-en-wyn-onthaal vir sowat 50 mense:

1 kg harde, beleë kaas

1 kg interessante, nuwe kaas (sien hooffoto vir idees)

500 g bokmelkkaas (chèvre)

500 g bloukaas

500 g camembert of brie

500 g Switserse kaas

250 g maaskaas

6 pakke gemengde beskuitjies

2 doopsouse

1 tot 2 patees van jou keuse

500 g neute

500 g rosyne

500 g swart olywe

500 g botter

4 warm quiches

60 klein, warm versnaperinge

4 appelterte

1 (4 k) room

Let wel:

Maak voorsiening vir 'n halwe bottel wyn per persoon.

Sorg vir genoeg mineraalwater en nie-alkoholiese drankies.

Sit die quiches en versnaperinge later voor en die appelterte aan die einde.

#kaasenwyn