Fabelagtige koffiekoek

200g botter, plus ekstra vir smeer

250ml strooisuiker

3 eiers

375ml bruismeel

Knippie sout

100ml suiker

250ml sterk, swart koffie

Konjak na smaak

5ml vanieljepasta

250ml dik room

’n Handvol amandelvlokkies, lig gerooster.

Voorverhit die oond tot 190 °C en smeer ’n koekpan van 20 cm met botter. Verroom die strooisuiker en botter saam tot lig en romerig. Voeg die eiers een vir een by en klits deeglik. Vou die meel en sout hierby in. Skep in die pan en bak vir ongeveer 30 minute of tot ’n toetspen skoon uitkom.

Haal uit die oond en laat vir ’n paar minute rus voor jy dit uitkeer. Los die suiker in die koffie op en voeg die konjak na smaak by. As die koek afgekoel is, plaas dit op ’n stander en skink die koffiestroop versigtig daaroor sodat dit die koek deurweek. Meng die vanielje en room en klop tot sagte punte

vorm. Skep oor die koffiekoek en versier met amandels. Geniet ’n glasie konjak hierby.

Lewer 8-10 porsies.

#coffee #cake #koek