TIRAMISU

60 ml (4 e) sterk aangemaakte koue koffie

2,5 ml (½ t) vanielje

15 ml (1 e) brandewyn

90 ml (6 e) strooisuiker

250 g (1 bakkie) laevetroomkaas

125 ml (½ k) suurroom

2 eierwitte

125 g (1 pakkie) Boudoir-koekies

100 g (1 plak) donkersjokolade, gerasper of 2 Flakes, gebreek

1. Roer koue koffie, vanielje en brandewyn en hou in bakkie.

2. Klits suiker en roomkaas.

3. Klits suurroom tot net styf en vou by roomkaasmengsel in.

4. Klits eierwitte styf en vou roomkaasmengsel in.

5. Breek Boudoir-koekies in stukke en sit onder in elke glas of bakkie.

6. Sprinkel koffiemengsel bo-oor.

7. Skep roomkaasmengsel bo-op, bietjie sjo¬kolade en herhaal weer met gebreekte koekies, koffiemengsel, roomkaasmengsel en sjokolade.

8. Sit in yskas tot koud of oornag.

#tiramisu #coffee