Tuisgemaakte malvalekkers

Genoeg vir 8

50 ml (3½ e) gelatien

250 ml (1 k) kookwater

600 g Selati-suiker

580 g glukose

160 ml (2/3 k) water

30 ml (2 e) koffie-ekstrak

260 g versiersuiker

80 ml (1/3 k) mielieblom

1 Voer ’n pan van 24 x 34 cm met bakpapier uit en spuit met

kleefwerende kossproei. Meng die gelatien en kookwater liggies

met ’n elektriese klitser en hou eenkant.

2 Sit die suiker, glukose en water in ’n middelslagkastrol oor matige hitte. Moenie roer nie. Kook tot dit 115 °C (sagtebalstadium) op ’n suikertermometer bereik.

3 Skakel die klitser aan en voeg die stroop in ’n dun straaltjie by. Voeg die koffieekstrak by en klits vir sowat 12 min. tot die mengsel lig, dik en blink is.

4 Skep die mengsel in die voorbereide pan en maak gelyk. Werk vinnig, want die

mengsel set amper onmiddellik. Bedek met nog ’n pan en stoor oornag.

5 Sif die versiersuiker en mielieblom saam en sprinkel op ’n skoon werkvlak. Keer die malvalekkers daarop uit en sny in 5-7 cm-blokke.

#coffee #marshmallow #lekkernye #treats