HOENDERBOLOGNESE

500g skulppasta 10 ml olie

5 ml (1 t) sout 5 ml olie x 2

1 ui, gekap 5 ml (1 t) vars knoffel, gekap

2 selderystingels, fyngekap 2,5 ml droë gemengde kruie

1 ml droë pietersielie 600 g hoendermaalvleis

1 ml sout swartpeper na smaak

knypie rooipeper 410 g (1 blik) gekapte tamaties

30 ml (2 e) blatjang 250ml cheddarkaas, gerasper

Verhit water tot kookpunt en roer sout en 5ml olie daarby.

Voeg pasta by en kook vir ongeveer 12 minute tot al dente.

Dreineer en roer ekstra 5ml olie deur pasta sodat dit nie aan mekaar kleef nie.

Hoenderbolognese

Verhit olie en soteer ui en knoffel tot deurskynend.

Voeg seldery, kruie en pietersielie by en soteer vir nog 4 minute.

Voeg maalvleis, sout en rooipeper by.

Braai tot maalvleis gaar is.

Roer gereeld sodat maalvleis fyn is wanneer dit heeltemal gaar is.

Roer tamaties en blatjang by en laat oor matige hitte vir 12 minute of tot minder

souserig prut.

Skep pasta in oondbak van ongeveer 25cm x 35cm.

Skep hoenderbolognese bo-op.

Sprinkel kaas oor en plaas onder roosterelement vir ses minute of tot kaas net gesmelt is.

Sit dadelik voor.

#chicken #bolognaise #psta