MOSTERD UIESLAAI

Hierdie gebottelde Mosterdslaai het ek op 20 November 2013 gekook vir die Kersvakansie... en die baie gaste wat hier gekuier het, het dit terdeë geniet.

(party mense noem dit ook Slaphakskeentjies)

3 kg medium piekel uitjies…geskil. kook vir 5 min tot sag.

Klits saam:

8 eiers

5 k suiker -

Klits suiker bietjie vir bietjie by.

Voeg dan 750ml wit spirits asyn ook bietjies vir bietjies by.

Maak dan aan:

1½ t sout,

6 t mosterd,

3 e maizena en klits saam.

Gooi uie in sif af dat alle water uitloop.. en gooi terug in pot, en gooi sous oor en kook tot gaar en dik. Bottel dit warm.

Ek het al groot uie opgesnipper en ook so gekook.

Wenk: Hoekom spirits asyn??? Omdat goeie asyn gebruik moet word vir bottel en bêre. Dit moet tenminste 'n 5% suurgehalte hê om 'n goeie produk te lewer. Ek gebruik net Pick n Pay Brand se spirits asyn met 5 % Acidity. Bruin asyn vir blatjang en Atjar en wit asyn as daarna verwys word in 'n resep.

#mustard #onion #salad #slaai #slaphakskeentjies