BRUINTJIES MET TEE

Bestanddele

350 g botter

750 ml (3 k) Muscavado-bruinsuiker

3 ekstragroot eiers

500 g (4 k) bruismeel

250 ml (1 k) kakao

1 ml sout

100 g (1 plak) bruinsjokolade, grofgekap

3 Vyf Rose African Black-teesakkies

15 ml (1 e) vanieljegeursel

187 ml (¾ k) African Black-tee aangemaak en afgekoel

Metode

Stel oond op 180 °C.

1 Plaas botter in groot genoeg mengbak. Verhit botter in mikrogolf tot sag vir paar sekondes. Botter moenie loop nie, maar sag wees.

2 Room botter en suiker met elektriese klitser tot pofferig, ongeveer drie minute. Voeg eiers by en klits tot goed gemeng.

3 Meng bruismeel, kakao, sout en sjokolade bymekaar.

4 Skeur die drie teesakkies oop en voeg inhoud by meelmengsel en roer weer tot goed gemeng.

5 Roer vanieljegeursel by afgekoelde teemengsel.

6 Meng meelmengsel en teemengsel beurtelings by bottermengsel tot ‘n deeg.

7 Voer oondbak van 34 X 24 cm groot met bakpapier uit. Spuit goed met kossproei.

8 Skep deeg in oondbak en bak vir 35 minute tot gaar. Onthou bruintjies bak nie tot droog nie. Dit bly half klammerig in middel.

9 Laat bruintjies afkoel. Sny in blokke. Eet dit net so of sit dit saam met roomys vir nagereg voor.

#tea #cake #koek #brownies