TUNA VINGERHAPPIES
- Nicky Kruger
- Apr 21, 2015
- 1 min read
400 g (1 rol) skilferkorsdeeg bietjie melk vir bo-oor
Vulsel
bietjie olie 1 ui, fyngekap
½ rooi soetrissie, ontpit, in blokkies gesny 1 selderystingel, fyngekap
½ groen soetrissie, ontpit, in blokkies gesny 125g geroomde maaskaas
2 x 170g blikke tuna in water, gedreineer 60ml mayonnaise
60ml soetrissiesous knypie sout en peper
Stel oond op 200°C. Laat skilferkorsdeeg oornag in yskas ontdooi. Rol deeg oop.
Sny in reghoeke van 6cm x 4cm groot. Voer bakplaat met bakpapier en spuit met
kossproei. Plaas deegreghoeke op bakplaat. Verf bietjie melk oor en bak vir 14
minute of tot goudbruin op bokant. Laat op draadrakkie
afkoel.
Vulsel
Verhit bietjie olie en soteer ui en seldery vir drie
minute. Voeg soetrissies by en soteer nog twee
minute. Verwyder van hitte. Voeg tuna by en roer tot
gemeng. Roer roomkaas tot sag. Meng mayonnaise,
soetrissiesous, sout en peper daarby tot goed
gemeng. Roer by tunamengsel. Skep op klaar gebakte
skilferkorsreghoeke. Rond af met mikroblaartjies
(opsioneel) en sit dadelik voor.
Comments