Tannie Margie se GRENADELLA-SPONSKOEK

GENOEG VIR 8-10

BEREIDINGSTYD 40 MINUTE

GAARMAAKTYD 30 MINUTE

BESTANDDELE

Koek

3 groot eiers

1½ k koekmeel

1½ k suiker

pulp van 5 vars grenadellas

(die geblikte soort werk nie!)

¾ k melk

125 g botter

15 ml bakpoeier

Versiersel

2 k versiersuiker

125 g botter

pulp van 2 grenadellas

AANWYSINGS

1 Verhit die oond tot 180 oC.

2 Klits die eiers vir drie minute. Gooi die suiker geleidelik by en klits tot donsig.

3 Sif die meel drie keer en voeg dan by die eier-en-suikermengsel.

4 Voeg die grenadella-pulp by.

5 Verhit die melk op die stoof.

6 Smelt intussen die botter en voeg by die warm melk.

7 Roer die melk-en-bottermengsel geleidelik by die meelmengsel.

8 Voeg nou die bakpoeier by en roer deur.

9 Verdeel die beslag tussen twee ronde koekpanne en bak vir 25 minute.

10 Sif die versiersuiker, voeg die botter by en klop. Roer die grenadella-pulp deur en smeer oor die koek.

#granadilla #cake #koek #bazaar