BIEFSTUK EN NIERTJIEPASTEI

Lewer 6 ‑ 8 porsies.

BESTANDDELE:

1 kg biefstuk, blokkies

4 skaapniertjies, skoongemaak, sny wit gedeeltes uit en sny in klein stukkies

½ koppie koekmeel

2 ml gemaalde gemmer

1 ml tiemie

3 teelepels Worcestersous

1 teelepel aangemaakte mosterd

1 teelepel sout

kookwater

30 ml souspoeier

4 uie, in skywe gesny

KLITSKORS:

1 koppie koekmeel

2 teelepels bakpoeier

knippie sout

125 ml sonneblomolie

125 ml melk

1 eier

Aanwysings:

Meng koekmeel, gemmer en tiemie en rol beesvleis en niertjieblokkies daarin tot goed gemeng.

Plaas dit in 'n kastrol en voeg die uie, Worcestersous, mosterd en sout by.

Voeg genoeg kookwater by om die vleis mee te bedek.

Sit die deksel op en prut dit oor matige hitte totdat die vleis lekker sag is.

Voeg die souspoeier aangemaak met bietjie water by die vleis en prut tot die vulsel dik is.

Roer af en toe om aanbrand te voorkom.

Skep die gaar vulsel in 'n groot oondvaste bak.

Sif die koekmeel, bakpoeier en sout saam.

Klits die olie, melk en eier saam.

Voeg die meelmengsel by en klits tot goed gemeng.

Gooi die deeg oor die vulsel.

Bak die pastei 25‑30 minute by 190ºC.

Sit dit warm voor.

#steakandkidney #pie