Botterskorsie-pakkies
- Radio Vryheid
- May 15, 2015
- 1 min read
GENOEG VIR 4 MENSE
Bereiding: 15 min.
Gaarmaaktyd: 30 min.
500 g winkelbrooddeeg, by kamertemperatuur
15 ml (1 e) olyfolie
15 ml (1 e) botter
VULSEL
1 botterskorsie
sout en vars gemaalde peper
30 ml (2 e) olyfolie
50 g roketblare
1 rooi-ui, in skyfies gesny
JOGURT
125 ml (½ k) jogurt
knippie komyn
5 ml (1 t) suurlemoensap
Voorverhit die oond tot 200 °C.
Verdeel die deeg in 4 gelyke dele en rol in sirkels op ’n meelbestrooide oppervlak uit.
Verhit die olie en botter in ’n kleefvrye pan en braai die brood aan albei kante tot plekplek verbruin. Sit die
broodjies op ’n bakplaat en bak nog 5 min. tot gaar.
Vulsel Sny die botterskorsie in die lengte in skywe, versprei op ’n bakplaat, geur met die sout en peper en meng die olie deur. Rooster 30 min. of tot goudbruin om die kante.
Jogurt Meng die jogurt, komyn en sap.
Pak die botterskorsie, roketblare en ui in die middel van ’n broodjie, sit ’n skeppie jogurt op die broodjie en vou toe. Herhaal met die res.
留言