Koppies Kaaskoek

Bestanddele:

Kors

200 g (1 pakkie) Romany Creams

60 ml (4 e) botter, gesmelt

>>>

Vulsel

400 g (1 blik) aarbeie, gedreineer

250 g (1 bakkie) roomkaas

175 g (1 bakkie) aarbeijogurt

60 ml (4 e) gedreineerde aarbeisap

20 ml (4 t) gelatien

>>>

1 Kors: Kap koekies fyn en meng met gesmelte botter.

2 Verdeel tussen 12 teekoppies en druk liggies met agterkant van teelepel vas.

3 Vulsel: Kap aarbeie tot pulp en meng roomkaas en jogurt daarby.

4 Sprinkel gelatien oor aarbeisap om te spons. Verhit net paar sekondes in mikrogolf tot gelatien gesmelt is. Moenie dat dit borrel nie. Roer gelatien vinnig by aarbeimengsel.

5 Verdeel tussen teekoppies en plaas in yskas tot gestol.

6 Rond af met vars aarbeie of soos verkies.

#cheesecake