Mikrogolf Gebakte Patats
- Naomi le Roux
- May 15, 2015
- 1 min read
Ek was die patats mooi skoon en sit dit net so... sonder om dit te prik... in 'n winkel plastieksak. Dan vou ek dit mooi toe en sit die oopkant onder die patats. Ek knoop dit nie toe nie.
Steek dit in die mikrogolf en bak op hoog (500 Watt) vir 25 minute. Hang af van watter soort mikrogolf jy het. Daarna laat ek dit vir 20± minute staan om verder te kook binne in die mikrogolf.
Dan haal jy dit uit en verwerk dit na keuse. Ek het Stork bake en suiker oorgesit en dit laat staan tot die margarien gesmelt is. Sny paar snye in die patats... sodat die margarien lekker kan intrek.
Wenk:
1. Kook die patats soos bo beskryf. Laat dit bietjie afkoel en haal die skille af. Sny in skywe/blokkies... en sit in 'n kastrol. Strooi suiker of stroop oor, stip met botter/margarien... en braai bruin. Heerlike groente met gekookte kos.
2. Was die patats af, prik dit, stip met botter/margarien en draai toe in tinfoelie. Plaas op die kole as jy vleis braai. Heerlik.
תגובות