Alaska-bombe met framboos-en-roos-marmersous

Genoeg vir: 8

Bereidingstyd: 25 minute, plus vriestyd

Baktyd: 2-5 minute

Oondtemperatuur: 240 oC

• 2 liter vanieljeroomys

• 150 ml roosgegeurde Turkse lekkers, gekap

• 15 ml roosgeursel

• 1 ronde sponskoek van 16 cm

• 100 ml bessie-vrugtesap

• 250 ml vars of bevrore frambose

• 6 groot eierwitte

• 460 ml (400 g) strooisuiker

• roosblare en vars frambose vir versiering

Sous

• 250 g bevrore frambose

• 100 ml strooisuiker

1 Sous Verhit die frambose, suiker en 20 ml water saam in ’n kastrol. Laat prut vir 10 minute, haal van die plaat af en gooi dan die sous deur ’n sif. Laat eenkant afkoel en sit in die yskas.

2 Haal die vanieljeroomys uit die vrieskas en laat dit effens sagter word. Voer ’n glas- of metaalbak van 16 cm met kleefplastiek uit.

3 Skep die roomys in die gevoerde bak. Meng die Turkse lekkers en die helfte van die roosgeursel in die afgekoelde sous. Skep die sous in die roomys en gebruik ’n stomp mes om ’n marmerpatroon deur die roomys te maak. Vries tot hard.

4 Sny die sponskoek in twee lae.

5 Sit die onderste laag op ’n oondplaat. Meng die bessiesap en die res van die roosgeursel saam en drup ’n bietjie daarvan oor die koek. Sprinkel van die frambose oor, sit die ander helfte van die koek bo-op en herhaal die proses.

6 Haal die roomys uit die vrieskas en keer dit uit op die sponskoekbasis. Trek die kleefplastiek af. Sit die koek terug in die vrieskas tot jy gereed is.

7 Verhit die oond tot 240 oC. Klits die eierwitte tot dit sagte punte vorm. Gooi die strooisuiker stadig by en klits dit tot al die suiker opgelos het.

8 Haal die bombe uit die vrieskas. Smeer vinnig die meringue oor die koek. Bak dit vir twee tot vyf minute en draai dit gereeld tot dit oraloor goudbruin is. Sit dadelik voor en garneer met roosblare en vars frambose.

#alaska #bombe #rose #icecream #raspberries