DUITSE FRANKFURTER KASSEROL

Nikki Young van Bellville is een van ons

gereelde wenresepte-deelnemers en het

hierdie resep ’n hele ruk gelede ingestuur.

Genoeg vir 2-4 mense

Bereiding: 15 minute

Gaarmaaktyd: sowat 30 minute

500 g frankfurters, in 2,5 cm-stukke gesny

1 pakkie (100 g) pitlose olywe

1 blik (410 g) pitmielies, gedreineer

200 g vars groenboontjies, in stukkies gesny

1 ui, fyn gekap

1 blik (410 g) tamatieroomsop

15 ml (1 e) suiker of 10 ml (2 t) soet brandrissiesous

2 ml (½ t) sout

2 ml (½ t) paprika

250 ml (1 k) cheddarkaas, gerasper

15 ml (1 e) pietersielie, fyn gekap

Voorverhit die oond tot 160 °C.

Spuit ’n oondbak met kleefwerende kossproei.

Meng al die bestanddele behalwe die pietersielie en skep dit in die voorbereide oondbak.

Bedek met tinfoelie en bak sowat 30 minute of tot gaar.

Garneer met pietersielie en sit voor met aartappels en suurkool.

#frankfurter #casserole #randrekker