GEMSBOK-EN-PATATPOTJIE

Elna Kruger van Helderkruin is ’n gebore en getoë Suidwester.

Sy vertel haar pa was ’n uithaler-jagter en -visterman en so is haar belangstelling in kos geprikkel.

Sy het vir ons van haar gunsteling-wildsresepte, wat sy self beproef en ontwikkel

het, gestuur.

Sy en haar man, Louw, onthaal gereeld gaste wat dan met wildsgeregte bederf word.

Genoeg vir 4-6 mense

Bereiding: 30 minute

Gaarmaaktyd: 1½-2 uur

50 ml olie

1 kg gemsbokrugstring, in kleiner

blokkies gesaag

1 ui, in ringe gesny

1 groot knoffelhuisie,

gekneus

sout en vars gemaalde swartpeper

1 lourierblaar

5 ml (1 t) droë tiemie

3 naeltjies

750 ml (3 k) vleisaftreksel

2 groot patats, geskil en in skywe gesny

50 ml mediumroom-sjerrie

Verhit twee derdes van die olie in ’n groot pot en braai die vleis daarin tot

goudbruin.

Skep die vleis uit en hou eenkant.

Verhit die res van die olie en braai die ui en knoffel ’n minuut.

Skep die vleis terug en geur met sout en vars gemaalde swartpeper.

Voeg die kruie en speserye asook die vleisaftreksel by.

Bedek, verlaag die hitte en laat prut tot die vleis sag is.

Rangskik die patats boop die vleis, besprinkel met die sjerrie en kook nog 20-30 minute tot die patats sag is.

Geur met sout en peper indien nodig.

Wenk:

Jy kan die gemsbokvleis met enige ander soort wildsvleis vervang.

#game #venison #sweetpotato #potjiekos