Kerriebone

Maak: 3 mediumgroot flesse

Bereidingstyd: 20 minute

Gaarmaaktyd: 10 minute

• 300 g groenbone

• 25 ml mielieblom

• 225 ml appelasyn

• 15 ml matige kerriepoeier

• 5 ml komynsade

• 3 ml fyn borrie

• 260 ml (225 g) bruinsuiker

• 2 middelslag-uie, in blokkies gesny

• 5 ml mosterdpoeier

• 1 knoffelhuisie, fyngedruk

• 150 g gaar botter- of nierbone

• 150 g gaar suikerbone

• 5 ml gerasperde suurlemoenskil

1 Sny die groenboontjies se punte af en sny dit dan skuins-oor in twee of drie stukke. Kook dit vir ’n minuut in water met sout, dreineer dit en gooi dit in ’n bak met koue water.

2 Meng die mielieblom in ’n kastrol met ’n bietjie asyn tot glad. Voeg die res van die bestanddele, behalwe die boontjies en suurlemoenskil, en 5 ml sout by en verhit dit tot kookpunt. Laat dit vir vyf minute prut.

3 Voeg al die boontjies en die suurlemoenskil by en verhit dit weer tot kookpunt. Kook dit vir ’n minuut, haal dit van die plaat af en skep dit in warm, gesteriliseerde flesse. Seël dit en laat dit afkoel. Dis die beste om dit in die yskas te hou.

#kerriebone #inmaak #curry #beans