Monkeygland-hoenderburger

Genoeg vir: 4

Bereidingstyd: 20 minute

Gaarmaaktyd: 8 minute

• 4 hoenderborsfilette

• olyfolie

• 1 middelslag-ui, opgekap

• 125 ml elk tamatiepuree en blatjang

• 60 ml worcestersous

• 30 ml asyn

• 30 ml port

• 10 ml gerasperde vars gemmer (3 ml gedroog)

• hamburgerrolletjies, slaai en aartappelwiggies om voor te sit

1 Sny die hoenderborsies in die lengte middeldeur. Slaan dit liggies met die palm van jou hand plat. Geur en drup ’n bietjie olyfolie oor.

2 Verhit 20 ml olyfolie in ’n kastrol. Voeg die ui by en soteer tot sag. Voeg die res van die sousbestanddele by. Laat prut vir 10 minute.

3 Verhit ’n pan of riffelpan en braai die hoenderborsies vir twee minute aan ’n kant tot net gaar. Sit in die kastrol met die sous. bedek goed.

4 Sit voor op rolletjies saam met slaai en tjips of aartappelwiggies.

#monkeygland #chicken #burger