Spinasie-en-spektert

Genoeg vir: 8-10

Bereidingstyd: 35 minute

Gaarmaaktyd: 40 minute

Oondtemperatuur: 180 ̊C

Basis

• 100 ml (90 g) gesmelte botter

• 110 ml (60 g) koekmeel

• 50 ml gerasperde cheddar

Vulsel

• 20 ml botter

• 1 groot ui, fyngekap

• 125 g swoerdlose strepiespek, gekap

• 250 ml gaar spinasie, gedreineer en fyngekap

• 2 groot eiers

• 250 ml melk

• 125 ml room

• 30 ml koekmeel

• 100 ml gerasperde cheddar

• 5 ml fyn paprika

1 Gooi die gesmelte botter in ’n tertpan van 22 cm. Voeg die meel, kaas en 1 ml sout by en meng dit. Druk die deeg met jou vingers oor die bodem van die pan om dit te voer. Prik die deeg oraloor met ’n vurk. Bak die tertkors in die warm oond vir 10 minute.

2 Vulsel Verhit die botter en braai die ui tot sag. Skep dit uit die pan en hou dit eenkant. Gooi die spek in die pan en braai dit bros. Dreineer die oortollige vet, voeg die spinasie by en meng goed. Haal dit van die plaat af.

3 Meng die eiers, melk, room en meel in ’n aparte bak saam. Geur dit met sout en varsgemaalde swartpeper. Voeg die spinasiemengsel by en roer goed. Gooi dit in die tertdop. Sprinkel die kaas en paprika oor en bak dit in die warm oond vir 30 minute tot goudbruin. Sit dit warm of koud voor.

#bacon #spinach #quiche #cheese