Grondboontjiebotter-tert

Genoeg vir 6-8.

Jy het nodig:

Vir die kors:

125 g gesmelte botter

2 k (150 g) veselryke koekies (digestive biscuits), fyngedruk

Vir die vulsel:

200 g roomkaas

200 g suiker

250 g gladde grondboontjiebotter

15 ml botter, gesmelt

5 ml vanieljegeursel

250 g vars room, geklop tot stywepunt-stadium

Vir die bolaag:

3 e (45 ml) warm koffie

1 k (150 g) sjokoladesplinters of gekapte sjokolade

½ k (60 g) geroosterde grondboontjies

Só maak ’n mens:

1. Voorverhit die oond tot 180 °C. Smeer ’n 23 cm-flan-pan met ’n los bodem.

2. Meng die botter en die koekiekrummels. Druk dit deeglik op die bodem en kante van die voorbereide pan vas. Bak 10 minute en laat afkoel.

3. Klits die roomkaas, suiker, grondboontjiebotter, botter en vanieljegeursel in ’n elektriese menger met die spaan-bytoestel (paddle attachment) tot romerig.

4. Vou die helfte van die geklopte room versigtig by en herhaal dan die proses met die res van die room. Skep die vulsel in die afgekoelde tertdop.

5. Om die bolaag te maak, giet jy die warm koffie oor die sjokolade en laat dit ’n paar minute staan. Roer totdat die sjokolade gesmelt het en laat dan afkoel tot kamertemperatuur. Dit behoort effens dik maar steeds vloeibaar te wees. Giet oor die tert en sprinkel die grondboontjies oor. Verkoel die tert oornag in die yskas.

#peanutbutter #creamcheese #chocolate #tert #tart #peanuts