Malakoff

Jy benodig:

450g melksjokolade van goeie gehalte

225g praline-pasta (te kry in bakwinkels of jy kan dit met ­Nutella vervang)

75g amandelvlokkies

50g pistasieneute, gekap

25g kakaobotter (te kry in ­bakwinkels)

100g donkersjokolade van goeie gehalte

Só maak ’n mens:

1. Kap die melksjokolade fyn en plaas in ’n glasbak wat bo-oor ’n kastrol met kokende water kan pas. Roer aanhoudend tot ­gesmelt.

2. Voeg die praline-pasta of ­Nutella en neute by. Smelt die ­kakaobotter in die mikrogolf en roer dit by die sjokolademengsel.

3. Voer ’n reghoekige bakkie uit met bakpapier.

4. Giet die mengsel in die bakkie en laat dit by kamertemperatuur stol.

5. Haal die malakoff versigtig met die hulp van die bakpapier uit die bakkie. Smelt die donkersjokolade en giet dit bo-oor die malakoff. Laat dit by kamertemperatuur semihard word.

6. Sny die malakoff in blokkies. Doop die mes telkens in warm water en vee af met 'n doek ná elke keer se sny. Dit sal die proses netjieser laat verloop.

Foto: Lisa Hnatowicz

#malakoff #lekkernye #chocolate #nutella #praline #nuts