Murgpampoentjiekoek

Jy het nodig:

60 g rosyne

kookwater

2 groot eiers

125 ml sonneblomolie

150 g strooisuiker

225 g bruismeel

½ t bakpoeier

½ t koeksoda

250 g murgpampoentjies, gerasper

Vir die versiersuiker:

200 g roomkaas

100 g versiersuiker

die sap van 1 lemmetjie

’n hand vol gekapte pistasieneute

Só maak ’n mens:

1. Plaas die rosyne in ’n mengbak en bedek met die kookwater. Laat sowat ’n halfuur staan om te swel.

2. Klits die eiers, olie en strooisuiker saam in ’n middelslag-mengbak.

3. Sif die bruismeel, bakpoeier en koeksoda bo-oor die eiermengsel en roer tot gemeng.

4. Dreineer die rosyne en roer dit saam met die gerasperde murgpampoentjies by die deeg.

5. Skep in 2 ronde, gesmeerde koekpanne (voer die bodem uit met bakpapier) en bak 25 minute by 180 °C tot gaar. Laat dit ’n rukkie in die panne afkoel en keer dan versigtig op ’n draadrak uit om heeltemal af te koel voordat jy dit versier.

6. Om die versiersuiker te maak, klits die roomkaas tot glad en sag. Sif die versiersuiker oor en roer tot gemeng. Voeg die lemmetjiesap by en klits tot deeglik gemeng. Plak die twee koeke bo-op mekaar met die versiersuiker tussen-in en versier ook bo-op. Sprinkel gekapte pistasieneute bo-oor.

#zucchini #raisins #creamcheese #lime #pistacio