Nektarien en pruim relish

Jy het nodig:

2 uie, grof gekap

2 knoffelhuisies, fyn gekap

Olyfolie, vir braai

30 ml fyngerasperde vars gemmer

1-2 rooi brandrissie, met pitjies en al fyn gekap

3 ml kaneel

3 ml anyssaad

3 ferm nektariens, gehalveer, ontpit en in blokkies gesny

3 ryp pruime, gehalveer, ontpit en in blokkies gesny

100 ml bruinsuiker

200 ml wit druiweasyn

Sout en vars gemaalde swartpeper na smaak

So maak mens:

1. Braai die uie en knoffel in ’n bietjie olyfolie tot deurskynend, maar moenie bruin braai nie.

2. Voeg die gemmer, brandrissie, kaneel en anyssaad by en braai vir 2 minute, tot geurig.

3. Voeg die nekariens en pruime by en braai liggies tot die vrugte begin sag word.

4. Voeg die bruinsuiker by, braai tot gekarameliseerd en voeg dan die druiweasyn by. Verhit tot kookpunt en prut liggies tot die vrugte sag en die relish skepdikte is (Voeg ’n bietjie water by as dit lyk of die relish te dik word voor die vrugte sag is.)

5. Geur met sout en vars gemaalde swartpeper en voeg nog ‘n bietjie fyn kaneel by, indien verkies. Laat afkoel en sit teen kamertemperatuur voor met korserige brood, koue vleise en ‘n verskeidenheid kaas. Lewer sowat 500 ml.

Foto: Samarie Smith

#nectarine #prune #ginger #chili #relish