Turkse lekkers

Jy het nodig:

30g gelatienpoeier

145ml rooswater

430g strooisuiker

50g mielieblom (Maizena)

50ml rooswater

1ml rooi voedselkleursel

Só maak ’n mens:

1. Sprinkel die gelatien oor die rooswater in ’n kastrol en laat staan sowat 10 minute.

2. Plaas die kastrol op die stoof en verhit oor lae hitte. Roer totdat die gelatien gesmelt is.

3. Sodra dit gesmelt is, voeg die strooisuiker by en roer elke nou en dan totdat die suiker gesmelt is. Laat opkook.

4. Roer die rooswater by die mielieblom om ’n pasta te vorm. Roer dit in ’n dun straaltjie by die suikermengsel, roer aanhoudend. Laat weer opkook en kook vir 2 minute.

5. Verwyder van die hitte en roer die voedselkleursel by.

6. Giet in ’n klein, reghoekige gesmeerde bakkie en los op ’n gelyk oppervlak om te stol.

7. Sny in vorms van jou keuse en sprinkel ’n mengsel van mielieblom en versiersuiker oor sodat dit makliker is om te hanteer.

Foto: Lisa Hnatowicz

#turkishdelight #rosewater #gelatine