‘Aardappel-porring’

Bosch glo haar ma het die beste brood in die Bo-Kaap gebak. Hierdie “aardappel-porring” word gereeld saam met broodpoeding by spesiale geleenthede opge­dien.

Jy het nodig:

1,3kg aartappels, geskil

250g Marvello-margarien of botter

3 k suiker

12 jumbo-eiers

1 liter melk met ’n bietjie ekstra

1 e vlapoeier

1 e bruismeel

3 druppels amandel-ekstrak

Só maak mens:

Kook die aartappels en druk dit fyn met die margarien en meng die suiker by. Meng dit met ’n elektriese klitser om ’n gladder tekstuur te kry. Klop die eiers en die melk in ’n ander bakkie. Meng die vlapoeier en die bruismeel in ’n koppie met ’n bietjie melk om ’n gladde smeersel te kry. Voeg die vla-smeersel by die eier en melkmengsel en meng goed. Giet hierdie deegbeslag dan by die aartappelmengsel. Voeg die amandel-ekstrak by en meng goed. Giet die mengsel in ’n gebotterde diep bak van 20 x 30 cm en bak vir ’n uur teen 180-200˚C totdat die bo-laag mooi bruin is. Die middel mag dalk nog nie behoorlik gestol het nie, maar dit sal wel wanneer dit eers uit die oond is. Sny in blokkies en dien op met gestoofde vrugte.

#potato #pudding #almond