‘Toor’ met stadige hoender

Langafstand-‘toortisserie’- hoender met plomp tjips: Die stadige rooster en nou-en-dan se omdraai omskep hoender in ’n dekselse goeie plaasvervanger vir winkel-rotisseriehoender. Selfs Usain sal sy medalje afstaan vir hierdie sappige langasem.

Jy benodig:

.1 hoender

.15ml vinkelsade (fennel)

.1 e gekapte tiemieblare

+ 2 takkies

.1 e vars marjolein, gekap

+ 2 takkies

.5 ml sout

.½t peper

.3 e olyfolie

.1 kleinerige suurlemoen, in kwarte gesny

.1 heel knoffelbol, middeldeur gesny

.6 aartappels, geskrop en in kwarte gesny

.275ml witwyn

Só maak mens:

1.Voorverhit oond tot 150°C.

2.Maak vinkelsade fyn in stamper en vysel. Gooi kruie, sout en peper en 2 eetlepels van die olie by. Stamp fynerig om ’n smeer te vorm.

3.Sit hoender in die oondpan en smeer goed in met die mengsel. 4.Sout en peper die holte van die hoender deeglik, druk die suurlemoen en knoffel in die holte. Steek die marjolein- en tiemietakkies ook in die holte.

5.Bind die pootjies mooi kuis met kombuistou toe.

6.Rangskik aartappelwiggies om die hoender in die oondbak, sprinkel olyfolie oor die aartappels en geur goed met sout en peper. Wikkel die wiggies deurmekaar sodat dit goed met die olie bedek is.

7.Bak 3uur in die oond. Draai die hoender en aartappels elke 40 minute om en bedek met die pansouse. Om ’n lekker kleurtjie aan die hoender te gee en die aartappels goed bros te kry, plaas dit sowat 10 minute onder die gloeiende roosterelement.

8.Haal die hoender en aartappels uit die oondbak en plaas op dienbord.

9.Gooi wyn by die pansouse en kook op ’n stoofplaat af tot die wyn goed deurgekook is en die vloeistof met die helfte verminder het. Bedien saam met die hoender.

#chicken #thyme #marjoram #lemon #garlic #potato #fennelseed