Asynrib vir Kersfees

Die suur van die asyn vorm ’n aangename kontras met die rib se vetterigheid – ideaal vir Kersfees. Selfs as jy kampeer en sonder oond is, kan jy dit oor die kole rooster. Dit vra min voorbereiding, maar hou ekstra servette byderhand en vars gebakte brood om die sous mee op te mop.

Jy benodig:

1 lamsrib

15 ml asyn

sap van 1 suurlemoen

15 ml heel koljander, geskroei en fyn gestamp

seesout en peper na smaak

So maak ’n mens:

Besprinkel die lamsrib met asyn, suurlemoen, koljander, sout en peper. Rooster 30-40 min in oond teen 180°C.

Wenk:

Bedien met vars gebakte brood en eenvoudige bykosse: ’n slaai van dun skyfies rou beet, appel, seldery, uie en gestoomde jong groenboontjies, bedruip met ’n eenvoudige vinaigrette.

Foto: Errieda du Toit

#lamb #ribs #vinegar #corianderseeds #lemonjuice #seasalt