Babel se ontbyttert

Jy het nodig:

Vir die basis:

. 250g granola/muesli/geroosterde hawermout

. 100ml sagte botter (verkieslik ongesout)

Vir die witsjokolade-jogurt:

. 100g witsjokolade

. 1-2 koppies ongegeurde jogurt

Vir die bolaag:

.Liggekookte jong worteltjies en enige kombinasie van appelkosies, nektariens, lietsjie, pruim, papierdun skyfies appel, frambose en bloubessies

Só maak ’n mens:

1. Meng die granola of muesli of geroosterde hawermout en die botter. Voer ’n losboom tertpan met kleefplastiek uit dat die rante oorhang en druk die mueslibottermengsel op die boom vas, vou die kleefplastiek se punte oor en plaas in die vrieskas.

2. Maak nou die witsjokolade-jogurt: Smelt die witsjokolade in ’n dubbelkoker, laat dit afkoel en roer dit by die ongegeurde jogurt. Klits dit tot glad en hou dit in die yskas. Ek vind dat die jogurt nie te koud moet wees as jy die gesmelte sjokolade byroer nie, anders maak dit klontjies. Sorg ook dat die gesmelte sjokolade behoorlik afgekoel het.

3. Nou is jy gereed om die tert aanmekaar te sit. Haal die gevriesde muesli-tertkos ’n paar minute voor opdiening uit die pan en plaas op ’n groot opdienbord. Stapel die worteltjies en vrugte bo-op, met ’n paar worteltjies aan die kant. Rond af met ’n streepsel heuning of esdoringstroop oor die worteltjies.

Wenk: Die kors sal verkrummel as jy dit opskep, maar dit maak nie saak nie. Die impak is in die pragtige voorkoms as jy dit voorsit.

#granola #muesli #oats #yogurt #fruit #berries #carrots