Bahhaudin se geheime resep vir rissie-happies

Jy het nodig:

3 koppies ertjiemeel

1 koppie bruismeel

2 t Pakco-masala

2 t rissiepoeier

2 t jeera (gemaalde komyn)

2 t koljana (gemaalde koljander)

1½ t sout

1 t borrie

1 t knoffelsmeersel

2 uie, opgekap

½ bossie spinasieblare, geskeur

gekapte groenrissies na smaak

2 t bakpoeier

kookolie

Die geheime bestanddele:

2 e geblikte soetmielies

2 e gevriesde ertjies, ontvries

’n hand vol koljander en pietersielie, opgekap

1 of 2 medium-aartappels in klein blokkies gesny

So maak mens:

Sif die ertjiemeel en bruismeel saam in ’n bak en voeg die speserye by. Voeg dan die knoffel, uie, spinasie en rissies by en meng met genoeg water om ’n dik deegmengsel te maak.

Meng dan die geheime bestanddele by en ook die bakpoeier.

Diepbraai lepels vol van die deegmengsel op ’n slag tot goudbruin en dreineer die rissie-happies op kombuispapier. Sit warm voor.

#chilibites #happies