Eenvoudige hoender-saté

Heerlik vir ’n middel-van-die-week-aandete wanneer jy nie baie tyd het vir kosmaak nie.

Genoeg vir 4.

Jy net nodig:

1kg hoenderfilette (verkieslik dy-filette), in 2cm-blokkies gesny

die sap van 2 lemmetjies

2 vars tiemietakkies, blare afgestroop

2e swartpeper

1e komynsaad

2tkoljandersade

1t rooipeper

2 rooi rissies, gekap

30g botter

2 rooi-uie, gekap

3 knoffelhuisies, fyngekap

2k hoenderaftreksel

100g grondboontjiebotter

4 tamaties, pitte verwyder en gekap

sout en peper na smaak

gestoomde rys om mee voor te sit

Só maak ’n mens:

1. Marineer die hoender 30minute lank in die lemmetjiesap en speserye.

2. Smelt die botter in ’n groot pan. Soteer die uie en die knoffel tot deurskynend, maar nog nie bruin nie.

3.Plaas die hoender bietjies-

bietjies op ’n slag in die pan en braai tot bruin. Voeg ook die marinade by.

4. Verhit die aftreksel in ’n aparte kastrol. Voeg die grondboontjiebotter by die aftreksel en laat kook sodat dit reduseer en begin dik word.

5. Voeg die aftrekselmengsel by die hoender en laat prut 15minute lank totdat die hoender deurgaar is.

6. Voeg die tamaties by en laat prut nog 5minute.

7. Geur die gereg na smaak met sout en nog peper en sit dit voor saam met die rys.

– Uit: The Next Element deur Andy Allen. Uitgegee deur New Holland

#chicken #sate #peanutbutter #tomato #rice #lime #thyme