Karoolam-rafeltjievleis

Oral word halfvergete resepte van ons voorouers afgestof en word daar met nuwe oë gekyk na ou tegnieke en tradisionele gebruike.

Hierdie rafeltjievleis is so ’n gereg – en om dit met Karoolam te maak, gee dit verdere betekenis. Dis ’n resep van die Kokkedoor-beoordelaar en sjef Nic van Wyk.

Daar is altyd ’n skotteltjie hiervan in my yskas om my aan die Karoo te herinner.

Geniet dit saam met brood, blatjang en piekels.

Jy benodig:

1lamsnek en skouer

1t Dijon-mosterd

4uie, grofgekap

1groot tak roosmaryn

1knoffelbol, heel en ongeskil

gehou, dwars in die helfte gesny

500ml lamsaftreksel

sout en peper

10ml sjerrieasyn

fyngekapte pietersielie

Só maak ’n mens:

1.Smeer die nek en blad met die mosterd, sout en peper.

2.Plaas die uie, knoffel en roosmaryntak in ’n oondbak met die vleis bo-op, voeg die aftreksel by en bedek die bak met foelie. Sorg dat die uie en knoffel net-net bedek is met die aftreksel en die lamsvleis net aan die aftreksel raak.

3.Bak teen 120°C vir 6-8 ure totdat die vleis van die been afval. Laat die vleis effens afkoel.

Pluis dit met jou hande in repies/rafeltjies. Moenie die vleis kap met ’n mes nie, want dit sal die vleis te fyn en pap laat. Meng van die pansappe en ’n bietjie sjerrieasyn by.

4.Druk die gaar knoffelhuis uit, geur na smaak met sout en peper. Omdat dit koud bedien word, sal jy dit sterker geur as ’n warm dis. Skep in die opdienbak en plaas in die yskas.

5.Laat die pansouse in ’n aparte bak in die yskas afkoel. Wanneer die vet begin stol, skep die vet af en meng met fyngekapte pietersielie. Smeer ’n dun lagie van die vet oor die vleis en laat verder afkoel in die yskas.

#lamb #karoo #garlic #parsley