Kate Sidley, The Agony Chef, se Lemoen-en-amandelkoek

Bestanddele:

. 1 heel, ongeskilde lemoen

. 125g geblansjeerde amandels

. 100g strooisuiker

. 1e mielieblom

. ½t bakpoeier

. ’n knypie sout

. 3 groot eiers

. ½t vanieljegeursel

So maak mens:

1. Plaas die lemoen in ’n kastrol met water (die water moet die lemoen net-net bedek). Bring tot kookpunt en laat dan vir 2 uur prut. Laat afkoel.

2. Voorverhit die oond tot 200°C.

3. Smeer ’n koekpan. Plaas die amandels, strooisuiker, mielieblom, bakpoeier en sout in ’n voedselverwerker en verwerk totdat die mengsel soos broodkrummels lyk.

4. Sny die lemoen in groot stukke en verwyder enige pitte. Voeg die stukke by die amandelmengsel en verwerk weer.

5. Voeg die eiers een op ’n slag by en dan ook die vanieljegeursel. Verwerk die hele mengsel goed saam.

6. Giet die beslag in die voorbereide pan en bak vir ’n halfuur. Net voordat jy dit wil voorsit, sif ’n bietjie versiersuiker oor. Dit is ook heerlik saam met geklopte room.

Foto: Gerrie Janse van Vuuren

#orange #almond #cake #koek