Makadamiabotter met speserye

Jy het nodig:

2 k rou makadamianeute, doppe verwyder

’n knypie sout

1 ml kaneel

1 ml gemengde speserye

Só maak ’n mens:

1. Voorverhit die oond tot 180 °C. Voer ’n bakplaat uit met ’n silikoon-matjie of bakpapier.

2. Versprei die neute op die voorbereide bakplaat in ’n enkellaag. Sprinkel die sout en speserye oor die neute en bak 15 minute of tot goudbruin. Hou ’n oog oor die neute in die oond om seker te maak hulle brand nie.

3. Haal uit die oond en laat die neute minstens 5 minute afkoel voordat jy hulle in jou voedselverwerker plaas.

4. Verwerk teen hoë spoed vir sowat 5 minute totdat die neute verwerk is tot ’n fyn, gladde botter. Bêre in ’n lugdigte houer in die yskas of in jou koskas.

#macadamia #butter #mixedspice