Ontbeende lamsblad met wildsvleis

Genoeg vir 6-8

Jy benodig:

.1 ontbeende lamsblad, oopgesny (butterflied)

.1 ontbeende wildsvleisblad, oopgesny

.olyfolie

.sout en varsgemaalde swartpeper

.1 groot handvol vars ­tiemie

.1 groot handvol vars roosmaryn

.2 vars perskes, pitte ­verwyder en gekap (Jy kan kortpad vat en geblikte perskes gebruik.)

.6-8 aartappels, geskil en in kwarte gesny

Só maak ’n mens:

1.Voorverhit die oond tot 180°C.

2.Sny kepe in die vetkant van die lamsvleis met ’n skerp mes sodat die vet kan uitborrel ­tydens die kookproses.

3.Vryf albei blaaie goed in met olyfolie en geur met sout en peper.

4.Sprinkel die een kant van die wildsvleis met die tiemie, roosmaryn en perskes en sit dan die lamsblad bo-op neer, met die vetkant na bo.

5.Bind die vleis stewig vas met tou.

6.Plaas in ’n oondvaste bak en pak die aartappels rondom die vleis.

7.Rooster onbedek vir 1½ tot 2 uur. Bedruip af en toe met die souse wat in die pan versamel. Die vleis is gereed wanneer dit murgsag is – so sag dat jy dit met jou vingers uitmekaar kan trek.

8.Verwyder die vleis uit die pan en laat rus vir 20 minute voordat jy dit sny.

9.Sny dan skywe van die vleis. Maak seker dat almal van albei vleise op hul bord kry.

– Die resep is uit Veld to Fork: Slow Food from the ­Heart of the Karoo. Foto met vergunning van Struik Lifestyle.

#lamb #venison #blackpepper #thyme #rosemary #peaches #potato #karoo