Rykie se melkkos

Genoeg vir 6 groterige ­porsies

Jy benodig:

125ml sago

2e botter

’nhandvol rou winkelpasta (skulpies en penne werk goed)

2kaneelstokkies

2liter volroommelk

30ml suiker

sout na smaak

kaneelsuiker vir bediening

Só maak ’n mens:

1. Bedek die sago net-net met koue water en laat dit staan om te week.

2. Smelt die botter in ’n groot pot oor lae hitte en braai die winkelpasta in die botter tot effens verbruin. 3. Voeg die kaneelstokkies, melk, suiker en sout by en verhit stadig.

4. Sodra die sago uitgepof het, voeg dit by die melkmengsel.

5. Prut die melkkos stadig oor lae hitte vir sowat ’n halfuur totdat die pasta en sago deurgaar is. Roer elke dan en wan om te verhoed dat die melk aanbrand.

6. Draai die plaat af en laat die melkkos ’n paar minute staan om dik en lymerig te word.

7. Skep groot lepelsvol in bakkies en sprinkel kaneelsuiker bo-oor. Bedien warm.

Foto: Anneke Potgieter

#melkkos #erf #southafrica