Sjokolade-kardamom-en-koffiekoek

Jy het nodig:

Vir een koek met vier lae:

250ml water

4 kardamompeule, gekneus

450ml meel

500ml strooisuiker

190ml kakaopoeier

15ml bakpoeier

1e sout

2 groot eiers

125ml sonneblomolie

250ml volroommelk

een sopie espresso (of 5ml kitskoffiepoeier, opgelos in 15ml warm water)

12ml vanieljegeursel

Vir die sjokolademousse-versiersel:

200ml vars room

200g sjokolade (donker- of melksjokolade)

1 eiergeel

1 eierwit

Vir die koek:

1. Kook die 250ml water en plaas die kardamompeule daarin. Laat dit minstens ’n uur trek.

2. Meng al die ander bestanddele in ’n groot mengbak en klits teen mediumspoed met ’n elektriese klitser tot goed gemeng.

3. Verwyder die kardamompeule uit die water. Verhit weer die water in die mikrogolfoond tot stomend en gooi dit dan stadig by die deeg terwyl jy teen hoë spoed klits (die deeg sal baie loperig wees).

4. Bespuit vier 20cm-koekpanne met kleefwerende kossproei en verdeel die deeg eweredig tussen die panne. Bak die koeke teen 180°C vir 14 minute.

Laat afkoel, keer uit en laat heeltemal afkoel voordat jy met die sjokolademousse-versiersel versier.

Vir die versiersel:

1. Verhit 50ml van die room tot stomend.

2. Breek die sjokolade in stukkies en plaas in ’n mengbak. Gooi die warm room oor die sjokolade. Roer totdat die sjokolade gesmelt het.

3. Klits die eiergeel.

4. Klits die res van die room styf en vou dit by die sjokolade in.

5. Klits die eierwit styf en vou dit ook by die sjokolademengsel in.

Laat die versiersel heeltemal afkoel in die yskas, vir minstens 30min., voordat jy begin om die koek te versier.

Foto: Leandri & Seline van der Wat

#chocolate #cardamom #coffee #cake #koek