Soetkoekies

Jy benodig:

200g botter teen kamertemperatuur

200g strooisuiker

3 eiers

430g meel

1vanieljepeul, met die sade verwyder

2knippies gemengde speserye

330g versiersuiker

5ml suurlemoensap

Só maak mens:

1.Room die botter en strooisuiker tot dit ’n bleekgeel kleur het.

2.Voeg een van die eiers, die sade van die vanieljepeul en die gemengde speserye by en meng goed.

3.Voeg die meel by en meng goed.

4.Rol die deeg in kleefplastiek toe en laat dit in die yskas staan vir sowat 40minute.

5.Sodra die deeg koud is, verwyder dit uit die yskas en rol dit uit op ’n plat oppervlak wat met meel bestrooi is tot dit sowat 5mm dik is.

6.Sny dit in vormpies uit en plaas op ’n bakplaat in die oond. Bak 8-10 minute teen 180°C.

7.Laat afkoel voor jy versier.

Versiersuiker

Só maak mens

1.Skei die oorblywende twee eiers.

2.Klits die eierwitte saam met die versiersuiker en die suurlemoensap tot styf (sowat 3-7 minute).

3.Sit dit in ’n buis en versier of smeer die versiersuiker op die soetkoekies.

#kleinkoekies #cookies